پسپۆڕێکی هەناو و دڵ خواردنی درەنگانی شەو بە مەترسی ناو دەبات

ئاڤا نیوز

 

خواردنی درەنگانی شەو یەکێکە لەو خووانەی چەندین کاریگەری خراپی لەسەر تەندروستی مرۆڤ هەیە.

 
چیرۆکی سەرەکی: لەم ساڵانەی دواییدا بەهۆی گۆڕانی شێوازی ژیان، خەڵکانێکی زۆر بەتایبەت گەنجان و منداڵان ڕوویان لە خواردنی درەنگانی شەو کردووە و پزیشکێکی پسپۆڕی نەخۆشییەکانی هەناو و دڵیش ئەم دیاردەیە بە مەترسی دەزانێت و چەندین کاریگەری خراپیش دەخاتەڕوو.

 

لێدوانی فەرمی: د. زرار حوسێن پسپۆڕی نەخۆشییەکانی هەناو و دڵ بە ئاڤا نیوزی ڕاگەیاند: مرۆڤ نابێ لانی کەم سێ کاتژمێر پێش خەوتن هیچ شتێک بخوات و بخواتەوە، لەڕووی تەندروستییەوە تەنها ئاوخواردنەوە ڕێگە پێدراوە، هاوکات چەند کاریگەرییەکی خراپی خواردنی درەنگانی شەویش دەخاتەڕوو.

 

کاریگەرییە خراپەکان:

- تێکچوونی خەو
- کاریگەری لەسەر ڕێڕەوی هەرس، دەبێتە هۆی گەڕانەوەی ترشەڵۆکی گەدە، ئازاری گەدە و تێکچوونی هەرس.
- زیادبوونی کێشی لەش
- بەرزبوونەوەی چەورییەکانی ناو خوێن
-  Metabolic syndrome واتە تێكچوون و زیادبوونی خوێیەکان و ترشی یۆریا لەناو لەش.