لە بەغدا ئافرەتێکی بازرگانی ماددەی هۆشبەر دەستگیر دەکرێت

ئاڤا نیوز

 

لەسێ ئۆپەراسیۆنی جیاوازدا لە بەغدا فەرماندەیی پۆلیسی فیدراڵی عێراق دەستگیرکردنی چەند کەسێکی بە تۆمەتی ساختەکاریی و بازرگانی بەماددەی هۆشبەر و پێداویستی خۆراکی بەسەرچوو و سەرپێچی ئاشکراکرد.

 

ڕاگەیێندراوی فەرمی: فەرماندەیی پۆلیسی فیدراڵی عێراق ڕایگەیاند: دوو بازرگانی ماددەی هۆشبەر و ساختەکاریی کە یەکێکیان ئافرەت بوو لەهەردوو ناوچەی غەزالییە و حورییە دەستگیرکران.

 

زانیاریی زیاتر: لە ڕاگەیەیێنراوەکەدا هاتووە: لەئۆپەراسیۆنێکی هاوبەشی هێزەکانی پولیس و هەواڵگری و ئاسایشی نیشتمانی، دەست بەسەر بڕێکی زۆر گۆشت و کەلوپەلی خۆراکی ماوە بەسەرچوو لە گەڕەکی "جامیعە"ـی شاری بەغدا گیرا و سەرجەم تۆمەتباران دەستگیرکران.

 

ئەمەش بزانە لەهەڵمەتێکدا بۆ ڕێگریکردن لە زێدەڕۆیی بۆ سەر زەوی حكومی، هێزێکی هاوبەشی پۆلیس و سوپا لە ناوچەی تاجی، ژمارەیەک باڵەخانەیان لەسەر زەوییە حکومییەکانی ناوچەکە لابرد کە بە زێدەرۆیی دروستکرابوون.