سەعدی پیرە: ناتوانین پێشبینی بکەین چەند کورسی دەهێنین

ئاڤا نیوز

 

یەکێتیی نیشتمانیی کوردستان بۆ هەڵبژاردن ئامادەیە، گوتەبێژی حیزبەکە دەڵێت لەگەڵ بانگەشەی تووند نین، ئەوەی هێرش بۆسەر لایەنێکی دیکە بکات، پێویستە لێپێچینەوەی لەگەڵدا بکرێت.

 

لێدوانی فەرمی: سەعدی ئەحمەد پیرە، گوتەبێژی یەکێتی بە ئاڤا میدیای ڕاگەیاند: "هەرکاتێک وادەی بانگەشە دەستپێبکات ئامادەین، سەرەڕای ئەوەش لە 10ـ 6 ەوە لە هەموو بازنەکان ئامادەکاری کراوە".

 

لەبارەی بانگەشەی هەڵبژاردنیەوە گوتی: "هەرکەسێک لە هەر لایەنێک زیادەڕەوی بکات، پێویستە لێپێچینەوەی لەگەڵ بکرێت، یەکێتی لەگەڵ بانگەشەی ئارامە".

 

لەلایەکی دیکەوە: لە وەڵامی پرسیارێکدا، یەکێتی بەشێکی سەرەکییە لە حکومەت و زۆنێکی گەورەی لەدەستە، بەڵام وەکو ئۆپۆزیسیۆن قسە دەکات، سەعدی پیرە گوتی: "لە بانگەشەی هەڵبژاردن هەموو لایەک دەڵێن هیچی خراپەمان نەکردووە و باشەکانمان کردووە، هەر کەسێک دەیەوێت باسی بەرنامەی خۆی بکات، باسی ئەوە بکات لە خراپییەکانی ڕابردوو بەشدارنەبووە و پشتڕاستیشی بکاتەوە".

 

گۆشەیەکی دیکە: پێشبینی دەکەن یەکێتی چەند کورسی بهێنێت، ئەمە پرسیارێکی دیکە بوو بۆ گوتەبێژی یەکێتی، لە وەڵامدا گوتی: "بەگوێرەی هەڵبژاردنی ئەنجوومەنی پارێزگاکان بێت {مەبەستی هەڵبژردنی ئەنجوومەنی پارێزگاکانی عێراق بوو کە کۆتایی ساڵی ڕابردوو کرا} یەکێتی دەبێت دۆخی بۆ هەڵبژاردنی پەرلەمان باشبێت، بەڵام ناتوانین پێشبینی ئەوە بکەین چەند کورسی دەهێنین و جارێ زووە".