لە ئێران بەهۆی تەقینەوەی کانێکی خەڵووز 19 کەس گیانیان لەدەستدا

ئاڤا نیوز 

 

بەهۆی تەقینی کانێکی خەڵووز لە ئێران، دەیان قوربانی لێکەوتەوە و چەندین کەسی دیکەش بێسەروشوێن بوون.

 

وێنە گەورەکە: لە پارێزگای خوراسانی باشووری ئێران بەهۆی تەقینەوەی کانێکی خەڵووز، 19 کەس گیانیان لەدەستداو و 17 کەسی دیکەش برینداربوون.

 

لێدوانی فەرمی: محەممەد عەلی ئاخوندی، بەڕێوەبەری بەشی قەیرانەکانی پارێزگاکە ڕایگەیاند، بەهۆی قووڵایی شوێنی تەقینەوەکە و  ئەگەری زیادبوونی ژمارەی قوربانیان هەیە، چونکە لە کاتی تەقینەوەکەدا بەلانی کەم 69 کرێکار تیایدا کاری کردووە.

 

ئەوەش بزانە: هەشت تیمی مانگی سووری پارێزگای خۆراسانی باشوور ڕەوانەی شوێنی ڕووداوەکە کراون گەڕان بە دوای بێسەروشوێن بووان بەردەوامە.

 

زانیاری زیاتر: بە گوێرەی لێکۆڵینەوە سەرەتاییەکان تەقینەوەکە بەهۆی دزەکردنی گازی میسان بووە لە توونێلی کانییەکە.