بلینكن: ئێران گەورەترین هەڕەشەیە بۆ سەر ئاسایشی ئیسرائیل و جیهان

ئاڤا نیوز

وەزیری دەرەوەی ئەمریكا دەڵێت  ئێران گەورەترین هەڕەشەیە بۆ سەر ئاسایشی ئیسرائیل و ئاسایشی دەوڵەتانی دیكە، داواش دەكات ئێران و ئەو گرووپانەشی كە بە نوێنەرایەتیی ئەو شەڕ دەكەن گۆشەگیر بكرێن. 

لێدوانی فەرمی: ئەنتۆنی بلینكن، وەزیری دەروەی ئەمریكا، لە میانەی بەشدارییكردنی لە كۆنفڕانسی ئاسایشی میونشن، ڕایگەیاند: ئێران گەورەترین هەڕەشەیە لە سەر ئاسایشی ئیسرائیل و ئاسایشی هەموومان، بۆیە پێویستە خۆی و گرووپەكانی نزیك لێی گۆشەگیر بكرێن.

"دەرفەتێكی باش هاتووەتە پێش لە مانگەكانی داهاتوودا وڵاتانی عەرەبی پەیوەندییەكانیان لەگەڵ ئیسرائیل ئاسایی بكەنەوە، بۆ ئەمەش درووستكردنی دەوڵەتێكی فەڵەستینیی سەربەخۆ پێویستییەكی خێرایە". 

باكگراوند: لە كۆنفڕانسی میونشنی ئەمساڵدا تیشكی زۆر خرایە سەر پرسی ئیسرائیل - فەڵەستین و ڕێگاكانی گەیشتن بە ئاگربەست لە غەززە. هاوكات گفتوگۆی زۆر لە سەر ڕێگریكردن لە تەشەنەسەندنی شەڕی غەززە بۆ تەواوی ناوچەكە كرا.