هەناردەکردنی نەوتی عێراق دادەبەزێت

ئاڤا نیوز

بەراورد بە مانگەکانی ڕابردوو، هەناردەکردنی نەوتی عێراق کەمیکردووە، لە ماوەی یەک مانگدا نزیکەی 105 ملیۆن بەرمیل نەوتی فرۆشتووە.

 

وێنە گەورەكە: وەزارەتی نەوتی عێراق مانگانە کۆی هەناردەی نەوت لە سەرجەم كیڵگە نەوتییەكانی ئاشكرا دەكات، ڕێژەی هەناردەی مانگی ئابيش بەراورد بە مانگی تەمموزی ڕابردوو دابەزیوە.

 

ڕاگەیێنراوی فەرمی: وەزارەتی نەوتی عێراق ڕایگەیاند: کۆی هەناردەی مانگی ئاب لە ڕێگەی کۆمپانیای بەبازاڕکردنی نەوتی عێراق (سۆمۆ) ـوە ، 105 ملیۆن و 845 هەزار و 599 بەرمیل نەوت بووە.

 

ژمارەکان وا دەڵێن: بڕی 105 ملیۆن و 559 هەزار و 525 بەرمیل نەوتی خاو لە کێڵگە نەوتییەکانی ناوەڕاست و باشووری عێراقەوە هەناردە کراوە، هەناردەی گەیارەش یەک ملیۆن و 928 هەزار و 156 بەرمیل بووە، هەناردەکردنی تایبەتیش بۆ ئوردن 286 هەزار و 74 بەرمیل بووە.

 

باكگراوند: کۆی هەناردەی مانگی تەمموزی ڕابردوو، 108 ملیۆن و 53 هەزار و 356 بەرمیل نەوت بووە، بەمەش سۆمۆ لەمانگی ئابدا دوو ملیۆن و 687 هەزار و 961 بەرمیل نەوتی کەمتر هەناردەكردووە.