سەرۆككۆماری عێراق دەستبەكاربوونی پارێزگاری بابلی پەسەند كرد

ئاڤا نيوز

لەتیف رەشید سەرۆککۆماری عێراق، دەستبەکاربوونی عەدنان فێحان پارێزگاری بابلی پەسەند کرد.

ئەوەی پێویستە بیزانیت: عەدنان فێحان یەکێکە لە سەرکردەکانی عەسائیبی ئەهلی حەق بەسەرۆکایەتی قەیس خەزعەلی، پێشتر ئەندامی پەرلەمان بوو، ئەنجوومەنی پارێزگای بابل وەکو پارێزگار هەڵیانبژارد.

ڕاگەیێنراوی فەرمیی: لەتیف رەشید سەرۆککۆماری عێراق ئەمرۆ لەگەڵ عەدنان فێحان کۆبوویەوە، مەرسوومی کۆماریی بۆ دامەزراندنی وەکو پارێزگاری بابل رادەستکرد.

زانیاريی زیاتر: پێشتر، سەرۆککۆمار داوای لێبوردنی کرد لە پەسەندکردنی ئەحمەد جبووری بۆ پۆستی پارێزگاری سەڵاحەدین.

ئێستا تەنیا هەردوو پارێزگای کەرکووک و دیالە ماون پارێزگاریان بۆ هەڵبژێردرێت، بەهۆی ناکۆکیی لایەنە سیاسییەکان کۆبوونەوەی ئەنجوومەنی پارێزگاکان بۆ ئەو دووپارێزگایە دواکەوتووە.