کارگەیەکی دروستکردنی حەبی ''کەپتاگۆن'' لە سلێمانی ئاشکرا دەکرێت

ئاڤا نیوز

 

وەزیری ناوخۆی عێراق دەستبەسەرداگرتنی کارگەیەکی دروستکردنی ماددەی هۆشبەری جۆری 'کەپتاگۆن' لە سلێمانی ئاشکرا دەکات، هاوکات ڕەتیدەکاتەوە لە عێراق کارگەی ماددە هۆشبەرەکان هەبێت.

 

وێنە گەورەکە: بەکاربردن و بازرگانیکردن بە ماددە هۆشبەرەکان و کارتێکەرە دەروونییەکان لە عێراق گەیشتووە ئاستێکی بێ وێنە، تەنانەت نەتەوە یەکگرتووەکان هۆشداریی لەم بارەیەوە داوە کە عێراق دەبێتە گۆڕەپانی بڵاو بوونەوەی ماددە هۆشبەرەکان لە ناوچەکە. 

 

ڕاگەیێنراوی فەرمی: عەبدولئەمیر شەمەری، وەزیری ناوخۆی عێراق ڕایگەیاند: هەوڵ دراوە کارگەیەکی بەرهەمهێنانی ماددە هۆشبەرەکان لە پارێزگای موسەننا دروست بکرێت بەڵام پێش دروستکردنی هێزە ئەمنییەکان دەستیان بەسەرداگرتووە و ئێستا هیچ کارگەیەکی بەرهەمهێنانی ئەو ماددانە لە عێراقدا نییە.

 

لەلایەکی دیکەوە: بەڵام هەفتەی ڕابردوو ئەرشەد ساڵحی، سەرۆکی لیژنەی مافەکانی مرۆڤ لە پەرلەمانی عێراق ئاماژەی بەوە کرد، مەترسیی بەکارهێنانی ماددە هۆشبەرەکان  لە عێراق گەیشتووەتە ئاستێک کە هێزە ئەمنییەکان چەندین کارگەی دروستکردنی ئەو ماددانەیان لە ژمارەیەک لە ژمارەیەک پارێزگای عێراق دۆزیوەتەوە.

ئەوەی پێویستە بیزانیت: بەپێی ئامارەکانی وەزارەتی ناوخۆی عێراق لە حەوت مانگی یەکەمی ئەمساڵدا زیاتر لە هەشت هەزار کەس بە تۆمەتی بازرگانیکردن و مامەڵەکردن بە ماددەی هۆشبەرەوە دەستگیرکراون.