بایدن: کوشتنی نەسروڵڵا نموونەی دادپەروەرییە

ئاڤا نیوز

 

جۆ بایدن، سەرۆکی ئەمریکا کوژرانی حەسەن نەسروڵڵا، ئەمینداری گشتیی حیزبوڵڵا بە "پێوەرێک بۆ دادپەروەری" وەسف دەکات.

 

وێنە گەورەکە: دوای کوژرانی نەسروڵڵا لە لایەن ئیسرائیلەوە، ئەمریکا پشتگیری خۆی بۆ ئیسرائیل دووپاتکردەوە. 

 

ڕاگەیێندراوی فەرمی: سەرۆکی ئەمریکا لە بەیاننامەیەکدا گوتی: "حەسەن نەسروڵڵا و حیزبوڵڵای لوبنان، بەرپرسیار بوون لە کوشتنی سەدان ئەمریکی لە ماوەی چوار دەیەی دەسەڵاتی تیرۆردا". 

 

زانیاریی زیاتر: ئەمریکا باس لەوە دەکات کە ئیسرائیل مافی خۆیەتی لە بەرامبەر حەماس، حیزبوڵڵا و گرووپەکانی سەر بە ئێران بەرگری لە خۆی بکات. 

 

لەلایەکی دیکەوە: وەزیری بەرگری ئەمریکا ڕاسپێردراوە بۆ زیادکردنی ڕێکارەکانی بەرگریکردن لە بنکە و هێزەکانی ئەمریکا لە ڕۆژهەڵاتی ناوەڕاست.