بێژەرێکی تەلەفزیۆنی سووریا لە بۆردوومانێکی ئیسرائیل دەکوژرێت

ئاڤا نیوز 

 

شەوی ڕابردوو ئیسرائیل هێرشی زەمینی سنوورداری بۆ سەر لوبنان دەستپێکرد، هاوکات  دیمەشقی پایتەختی سووریای بۆردوومان کرد و بەهۆیەوە بێژەرێک کوژرا.

 

وێنە گەورەکە: ڕۆژی سێشەممە لە نیوەی شەودا ئیسرائیل یەکێک لە گەڕەکەکانی دیمەشقی بۆردوومان کرد و بەهۆیەوە سێ کەس کوژران و نۆ کەسی دیکەش بریندا بوون.

 

زانیاری بەدەستهاتوو: بەپێی هەواڵی ئاژانسی سانا، لەناو کوژراوەکاندا سەفا ئەحمەد، بێژەری تەلەفزیۆنی سووریا هەیە. 

 

زانیاری زیاتر: ڕۆژی یەکشەممەی ڕابردوو، ئیسرائیل هێرشێکی کردە سەر خاڵێکی پشکنین لە ناوچەی وادی حەنا لە ناوەڕاستی سووریا، بەڵام بەپێی زانیارییەکان هیچ زیانێکی نەبووە.

 

ئەوەش بزانە: ئیسرائیل بە بەردەوامی هێرشی ئاسمانی دەکاتە سەر دیمەشق و شارەکانی دیکەی سووریا و گرووپە چەکدارەکانی نزیک لە ئێران بەئامانج دەگرێت.