مقاوەمەی عێراق بۆ ئەمریکا و ئیسرائیل: بەرژەوەندییەکانتان دەکەینە ئامانج

ئاڤا نیوز

 

دەستەی هەماهەنگی مقاوەمەی عێراق هۆشداری دەداتە ئەمریکا و ئیسرائیل کە هیچ هێرشێک دژی ئێران ئەنجام نەدەن، بەپێچەوانەوە بنکە و بەرژەوەندییەکانیان دەبنە ئامانجی گرووپە چەکدارییەکان.

 

وێنە گەورەکە: هاوکات لەگەڵ هێرشی مووشەکی ئێران بۆسەر ئیسرائیل، گرووپە چەکدارییەکانی عێراقیش هەڕەشەی هێرشکردنەسەر بنکە و بارەگاکانی ئەمریکا لە عێراق و وڵاتانی ناوچەکەدا دەکەن.

 

ڕاگەیێنراوی فەرمی: دەستەی هەماهەنگی مقاوەمەی عێراق بڵاویکردەوە، "ئەگەر ئەمریکییەکان دەستوەردان بکەن لە هەر کردەوەیەکی دوژمنکارانە دژی کۆماری ئیسلامی ئێران، یان ئەگەر دوژمنی زایۆنی (ئیسرائیل) ئاسمانی عێراق بەکاربهێنێت بۆ ئەنجامدانی هەر هێرشێک وەک وەڵامدانەوەی ئەو هێرشەکەی کرایەسەری، ئەو کاتە هەموو بنکە و بەرژەوەندییەکانی ئەمریکا لە عێراق و ناوچەکەدا دەبنە ئامانجی ئێمە".

 

لەلایەکی دیکەوە: سوپای ئیسرائیل ڕایگەیاند: هێرشەکە لەناو خاکی ئێرانەوە  بە زیاتر لە 100 مووشەکەوە کراوە.