سوودەکانی خواردنەوەی ئاو بە گەدەی بەتاڵ

ئاڤا نیوز

 

خواردنەوەی ئاو بەڕێژەی پێویست کاریگەریی بەرچاوی هەیە لە تەندروست ڕاگرتنی پێست و قژ، خواردنەوەی ئاو لە بەیانیانیشدا کاریگەریی ئەرێنی لەسەر جەستەی مرۆڤ هەیە. 

 

لێدوانی فەرمی: دکتۆر یلینا ئوستینۆڤا، پسپۆری خۆراکی لە ڕووسیا ڕایگەیاند: خواردنەوەی پەرداخێک ئاو بە گەدەی بەتاڵ لە بەیانیاندا نەک هەر یارمەتیدەر دەبێت بۆ بەئاگاهاتنەوەی لەش بەڵکو مەترسی تووشبوون بە بەردی گورچیلە و هەوکردنیش کەم دەکاتەوە.

 

دکتۆر یلینا باسی لەوەش کردووە: خواردنەوە یەک یان چەند پەرداخ ئاو لە بەیانییاندا بە گەدەی بەتاڵ، یارمەتیدەرە بۆ گەڕاندنەوەی هاوسەنگی شلەی خوێن دوای خەوتن.

 

بۆچی گرنگە: بەرزبوونەوەی چڕی خوێن مەترسی مەینی خوێن زیاد دەکات، بۆیە خوارنەوەی ئاو لە بەیانییان دا یارمەتیدەرە بۆ باشتر کارکردنی مێشک و کۆئەندامی هەرس.