خشتەی مووچەی مانگی هەشت بڵاوکرایەوە

ئاڤا نیوز

 

وەزارەتی دارایی و ئابووریی هەرێمی کوردستان خشتەی مووچەی مانگی هەشتی مووچەخۆرانی بڵاوکردەوە و لە ماوەی 5 ڕۆژدا مووچەی سەرجەم سەرۆکایەتی، وەزارەت و دەستەکان دابەش دەکرێت.

 

ڕاگەیێنراوی فەرمی: بەگوێرەی ئەو خشتەیەی وەزارەتی دارایی و ئابووریی هەرێمی کوردستان بڵاوی کردووەتەوە، ڕۆژی هەینی 04-10-2024 دابەشکردنی مووچە بە خانەنشینی شارستانی دەستپێدەکات ڕۆژی سێشەممە 08-10-2024 بەسەرۆکایەتی ئەنجوومەنی وەزیران کۆتایی دێت.

 

ئەوەی پێویستە بیزانیت: بەگوێرەی خشتەکە دابەشکردنی مووچەی مانگی هەشتی مووچەخۆرانی هەرێمی کوردستان بەمشێوەیە دەبێت.

ڕۆژی هەینی 04-10-2024: خانەنشینانی شارستانی و خانەنشینانی پێشمەرگە مووچە وەردەگرن.

ڕۆژی شەممە 05-10-2024: کەسوکاری شەهیدان و ئەنفالکراوان، خاوەن پێداویستیی تایبەت و زیندانیانی سیاسیی مووچە وەردەگرن.

ڕۆژی یەکشەممە 06-10-2024: دەستەی دەستپاکی، دەستەی وەبەرهێنان، دەستەی ژینگە، دەزگای مین، ناوچەکانی دەرەوەی هەرێمی کوردستان، کۆمیسیۆنی باڵای هەڵبژاردن، دیوانی چاودێریی دارایی و مافی مرۆڤ مووچە وەردەگرن.

 

ڕۆژی دووشەممە 07-10-2024: وەزارەتی کار و کاروباری کۆمەڵایەتی، وەزارەتی شەهیدان و ئەنفالکراوان، وەزارەتی دارایی و ئابووری، وەزارەتی ناوخۆ، وەزارەتی پەروەردە، وەزارەتی تەندروستی، وەزارەتی داد، ئەنجوومەنی دادوەری، وەزارەتی ئەوقاف و کاروباری ئایینی، وەزارەتی بازرگانی و پیشەسازی، وەزارەتی سامانە سرووشتییەکان، وەزارەتی گواستنەوە و گەیاندن، وەزارەتی کشتوکاڵ و سەرچاوەکانی ئاو، وەزارەتی شارەوانی و گەشتوگوزار و وەزارەتی پلاندانان مووچە وەردەگرن.

 

ڕۆژی سێشەممە 08-10-2024: وەزارەتی کارەبا، وەزارەتی ڕۆشنبیری و لاوان، وەزارەتی ئاوەدانکردنەوە و نیشتەجێکردن، وەزارەتی خوێندنی باڵا و توێژینەوەی زانستی، وەزارەتی پێشمەرگە (دیوان و لیواکان)، یەکەی 70 و 80، ئەنجوومەنی ئاسایش و  دەزگای ئاسایش، هێزەکانی زێرەڤانی و فەرماندەی بەرگری و فریاکەوتن، پۆلیسی دام و دەزگا نەوتییەکان، سەرۆکایەتی ئەنجوومەنی وەزیران، سەرۆکایەتی هەرێم و پەرلەمان مووچە وەردەگرن.