کەنەدا داوا لە هاووڵاتییانی دەکات لوبنان بەجێبهێڵن

ئاڤا نیوز

 

کەنەدا داوا لە 1000 هاووڵاتی وڵاتەکەی دەکات، بەزووترین کات لوبنان بەجێبهێڵن.

 

ڕاگەیێنراوی فەرمی: جەستن ترودۆ, سەرۆکوەزیرانی کەنەدا ڕایگەیاند: بەشێک لە هاووڵاتییانمان تاوەکو ئێستا لە لوبنانن، داوایان لێدەکەین ناوی خۆیان تۆمار بکەن بۆ گەشتی داهاتوو و بە زووترین کات بگەڕێنەوە.

 

لەلایەکی دیکەوە: بنیامین نەتانیاهۆ، سەرۆکوەزیرانی ئیسرائیل بەردەوامە لە هەڕەشەکردن و پەیامی تۆڵەسەندنەوە، لە هەمان کاتدا سوپای ئیسرائیل شەوی ڕابردوو دوو باڵەخانەی لە باشووری بەیرووت بە چەند مووشەکێک بۆردوومان کرد.

 

زانیاریی زیاتر: گرژیی و ئاڵۆزییەکانی ڕۆژهەڵاتی ناوەڕاست بە تایبەت بارودۆخی ئێستای نێوان ئیسرائیل و لوبنان، نیگەرانی بۆ زۆرێک لە وڵاتان دروست کردوە، داوا لە هاووڵاتیانی خۆیان دەکەن بۆ سەلامەتی گیانیان ناوچەکە بەجێبهێڵێن.