هێمن هەورامی هەوڵەکانی یەکێتی بۆ ساختەکاری لە هەڵبژاردن ئاشکرا دەکات

ئاڤا نیوز

 

هێمن هەورامی لەمیانی گەشتی هەواڵەکانی کاتژمێر حەوتی ئاڤادا، باسی لەچەند پرسێکی پەیوەست بە هەڵبژاردن کرد گوتی، لە پاداشتی خیانەتی 16ی ئۆکتۆبەر دا، بەپلانێکی پێشوەختە دەنگەکانی یەکێتی لە هەڵبژاردنی ئەنجومەنی پارێزگاکان لە کەرکووک دەنگەکانیان بۆ زیاد کرا.

 

لێدوانی فەرمی: د. هێمن هەورامی، ئەندامی مەکتەبی سیاسیی پارتی دیموکراتی کوردستان، لە گەشتی هەواڵەکانی کاتژمێر حەوتی ئاڤادا ڕایگەیاند: هەموو پیلانێکی یەکێتی بۆ هەڵبژاردنێکی دیزاینکراوبوو لە 10ی6، دەیان گوت هەڵبژاردن هەر دەکرێت پێمان گوتن فەرموون بەبێ پارتی گەر دەتوانن هەڵبژاردن بکەن، هەموو هەوڵەکانیان و پیلانگێڕییەکانیان ناتوانن پەردەپۆش بکەن.

 

لەبەشێکی دیکەی لە قسەکانیدا هێمن هەورامی گوتی: ئەو تۆمارە دەنگیەی ڕۆژی ڕابردوو بڵاوکرایەوە تەواو ڕاست و دروستە و با شارەزایانیان بچن لە کوێ پێیان خۆش ڕاست و دروستییەکەی بسەلمێنن و لە داگاش با سکاڵا تۆمار بکەن، یەکێتی خیانەتی شازدەی ئۆکتۆبەر و کوشتنی هاوکار جاف و عەقید موڕادیش بە ژێری دەستکرد دەزانێت.

 

لەلایەکی دیکەوە: هێمن هەورامی لەبارەی هەڵبژاردنی ئەنجومەنی پارێزگاکانی عێراقەوە باسی لە پیلانێکی ناوچەی کرد و ئاماژەی بەوەدا: دەنگەکانی یەکێتی لە کەرکووک سەد لە سەد زیاد کرا بوو،  لە پاداشتی خیانەتی 16ی ئۆکتۆبەر دا، پێشیان وترابوو لە هەڵبژاردنی کوردستانیش 30 کورسیاتان مسۆگەرە بەڵام پیلانەکەیان سەری نەگرت.