فڕۆکەیەکی کوێتی لە نزیک سنووری عێراق کەوتە خوارەوە

ئاڤا نیوز  

 

فڕۆکەیەکی شەڕکەری هێزی ئاسمانی کوێتی لە جۆری F-18 لە نزیک سنووری نێوان کوێت عێراق کەوتە خوارەوە و فڕۆکەوانەکەشی گیانی لەدەستدا.

 

ڕاگەێنراوای فەرمی: وەزارەتی بەرگریی کوێت ڕایگەیاند: ئێوارەی ڕۆژی چوارشەممە فڕۆکەیەکی شەڕکەری هێزی ئاسمانی کوێتی لە جۆری F-18 لە کاتی مەشقکردندا لە نزیک سنووری نێوان کوێت - عێراق کەوتە خوارەوە و فڕۆکەوانەکەشی گیانی لەدەستدا.

 

لێدوانی فەرمی: عەقید ڕوکن حەمەد سەقەر، گوتەبێژی وەزارەتی بەرگریی کوێت بە میدیای وڵاتەکەی ڕاگەیاند: فڕۆکەکە سەر بە هێزی ئاسمانیی کوێتی بووە و لە کاتی مەشقکردندا لە باکووری وڵات کەوتووەتە خوارەوە، لیژنە تەکنیکییەکانیش دەستیان کردووە بە لێکۆڵینەوە لە شوێنی ڕووداوەکە بۆ ئەوەی لە هۆکاری کەوتنە خوارەوەی فڕۆکەکە بکۆڵنەوە.