بەهۆی پیسبوونی ژینگە 73%ی ئاژەڵە کێوییەکان کەمیان کردووە

ئاڤا نیوز

بەهۆی پیسبوونی ژینگە و گۆڕانی کەشوهەوا لە ماوەی 50 ساڵی ڕابردوودا ژمارەی ئاژەڵە کێوییەکان 73% کەمی کردووە.

 

وێنە گەورەکە: بەهۆی گۆڕانی کەشوهەوا و پیسبوونی ژینگەی جیهان ژمارەی ئاژەڵە کێوییەکان لە هەموو جۆرەکانی لە ماوەی پێنج دەیەی ڕابردوودا بە ڕێژەییەکی ئێکجار بەرز دابەزیوە.

 

لێدوانی فەرمی: ڤاڵەنتینا مارکۆنی، لە پەیمانگای ئاژەڵناسی لە لەندەن ڕایگەیاند: جیهانی سروشتی لە دۆخێکی ناجێگیر و خراپدایە، بەڵام بە هەنگاوی خێرا و بە کۆمەڵ لەلایەن سەرکردەکانی جیهان هێشتا دەرفەتی پێچەوانەکردنەوەی ئەم بارودۆخەیان هەیە. 

 

زانیاریی زیاتر: لە ناوچوونی بەشێکی دارستانەکانی ئامازۆن و چالاکییەکانی ڕاوکردن لەلایەن مرۆڤەوە هۆکارێکی دیکەن بۆ لە ناوچوونی بەشێکی زۆری ئاژەڵە کێوییەکان. 

 

ئەوەش بزانە: لە ساڵی 2022 نزیکەی 200 وڵات ڕێککەوتوون تا ساڵی 2030، 30% زەوی سەوزایی تەرخان بکرێت، بۆ چارەسەری لە ناوچوونی زیاتری سروشت بکەن.