نەتەوە یەکگرتووەکان: سلێمانی سەرچاوەی ناردنی ماددەی هۆشبەرە بۆ ئەوروپا

ئاڤا نیوز

 

نووسینگەی نەتەوە یەکگرتووەکان بۆ ماددە هۆشبەرەکان و تاوان ڕایدەگەیەنێت، شاری سلێمانی بووەتە ناوەندی گواستنەوەی ماددەی هۆشبەر بۆ ناوخۆی هەرێمی کوردستان و عێراق و هەروەها ئەوروپاش.

 

وێنە گەورەکە: لە بەدواداچوونێکی وردەی نووسینگەی نەتەوە یەکگرتووەکان بۆ ماددەی هۆشبەر و تاوانەکان کە لە مانگی حەوتی ئەمساڵدا ئەنجامدراوە، بە وردی ئاماژە بەوە دراوە کە عێراق سێ دەروازەی سەرەکی هەیە بۆ هێنانە ناوەوەی ماددەی هۆشبەر یەکێک لەو سێ خاڵە سەرەکییە سلێمانییە، ئەو ناوچەیەش بە خاڵی ترانزێتی سەرەکی ماددەی هۆشبەرە دانراوە لە نێوان وڵاتانی ئەفغانستان و ئێران دواتر بۆ سلێمانی لەوێشەوە بەشێک لەو ماددانە هەناردەی وڵاتانی ئەوروپا دەکرێت. 

 

زانیاریی زیاتر: بە گوێرەی ئەو نەخشەی لە ڕاپۆرتەکەدا هاتووە، کەمترین قەبارەی دەستەبەسەرداگرتنی ماددەی هۆشبەر هەیە لە سنووری سلێمانی، بەراورد بە شارەکانی هەولێر و دهۆک و زاخۆ کە سنوورێکی تووندیان هەیە بۆ هاتنە ناوەوەی ماددەی هۆشبەر.