باندێک لە عێراق دەستگیر دەکرێن نیوەیان ئافرەتن

ئاڤا نیوز

 

ئاسایشی نیشتیمانیی عێراق ژمارەیەک تۆمەتبار لە بەسرە دەستگیر دەکات کە باندێکیان پێکهێنابوو بۆ لەشفرۆشی، گێچەڵکردن و بازرگانیکردن بە ماددەی هۆشبەر، هاوکات نیوەی ئەندامانی باندەکە ئافرەتن.

 

وێنە گەورەکە: تاوانی جۆراوجۆر و بەکاربردنی ماددە هۆشبەرەکان و بازرگانانی ئەو ماددانە بەشێوەیەک لە عێراق بڵاوبوونەتەوە کە هێزە ئەمنییەکان ڕۆژانە ئەندامانی ئەو باندانە دەستگیر دەکات.

 

ڕاگەیێنراوی فەرمی: دەزگای ئاسایشی نیشتیمانیی عێراق ڕایگەیاند: دوای وەرگرتنی ڕەزامەندیی دادگا و دەستکەوتنی بەڵگە و دیاریکردنی شوێنەکەیان، چوار ئەندامی تۆڕێکمان دەستگیر کرد کە لە پیاوێک و سێ ئافرەت پێکهاتبوون، دوای دانپێدانیان دوو ئەندامی دیکەی تۆڕەکە دەستگیر کران.  

 

زانیاریی زیاتر: باندەکە دانیان بەوە ناوە کە لەڕێگەی فێڵکردن و هەڵخەڵەتاندن، خەڵکیان تووشکردووە بۆ بەکارهێنانی ماددەی هۆشبەر و کاری لەشفرۆشی، دواتر وێنەیان گرتوون و لەبەرامبەردا داوای پارەیان کردووە.

 

ئەوەی پێویستە بیزانیت: باندەکە لە کاتی دەستبەسەرکردنیان بڕێک ماددەی هۆشبەر و کەلوپەلی دیکەیان لە دەستگیراوە، دواتر ڕەوانەی لایەنە پەیوەندیدارەکان کران بۆ ئەوەی ڕێوشوێنی پێویست لە دژیان بگیرێتەبەر.