ساڵی 2023 زۆرترین ڕووبار وشک بوون

ئاڤا نیوز

 

لە ماوەی 30 ساڵی ڕابردوودا بەهۆی وشکەساڵی و گۆڕانکارییە ژینگەییەکانەوە زۆرترین ڕووبار وشک بوون.

 

وێنە گەورەکە: ساڵی 2023 بە گەرمترین ساڵ لە مێژوودا تۆمارکرا، بەهۆی گۆڕانکارییەکانی کەشوهەواو و گەرمبوونی زەوی زۆربەی ڕووبارەکانی جیهان وشک بوون، ئەمەش هەڕەشەیە بۆ سەر ئاسایشی ئاو.

 

لێدوانی فەرمی: سلێست ساولۆ، سکرتێری گشتیی ڕێکخراوی کەشناسی جیهانی ڕایگەیاند: نزیکەی سێ ملیار و 600 ملیۆن کەس ڕووبەڕووی کەمی ئاو دەبنەوە، پێشبینی دەکرێت ئەم ژمارەیە تا ساڵی 2050 بەرزبێتەوە بۆ پێنج ملیار کەس.

 

لەلایەکی دیکەوە: ساولۆ  ئاماژەی بەوەدا، گۆڕانکارییەکانی کەشوهەوا لە شێوەی  بارانبارینی زۆر، لافاو و وشکەساڵی زیانێکی گەورەی بە ژیان و ژینگە و ئابووری داوە. 

 

زانیاریی زیاتر: وڵاتانی ئەمریکای باشوور کە ئەرجەنتین، بەرازیل، پیرۆ و ئۆرۆگوای دەگرێتەوە، ڕووبەڕووی وشکەساڵی گەورە بوونەتەوە و نزمترین ئاستی ئاو لە ئەمازۆن و دەریاچەی تیتیکاکا لەسەر سنووری نێوان پیرۆ و بۆلیڤیا تۆمارکراوە.