پێنج پۆندی دیکە لە سنووری هەولێر دروست ده‌كرێن

ئاڤا نیوز

 

بە مەبەستی پاراستنی شاری هه‌ولێر له‌ مه‌ترسییه‌كانی لافاو و زیادکردنی سامانی ئاو، پێنج پۆندی دیکە لە سنووری هەولێر دروست دەکرێن، پلانەکە ئەوەیە لە ئایندەیەکی نزیک 45 پۆند لەو سنوورە تەواو بکرێن.

 

وێنە گەورەکە: پۆند جگە لە پاراستنی سەرمایەی ئاو، بەکاردەهێنرێت بۆ سێکتەرەکانی کشتوکاڵ، گەشتیاری، زیادکردنى ئاوى ژێر زەوی و پاراستنى هاووڵاتیان لە کاریگەریی لافاو، ئێستا 33 پۆند لە قۆناغی جێبەجێکردندان.

 

لێدوانی فەرمی: ئومێد خۆشناو، پارێزگاری هەولێر بە ئاڤا نیوزی گوت، "به‌پێی ئه‌و پلانه‌ی دانراوه‌، 45 پۆند له‌ هه‌ولێر دروست ده‌كرێت، کە 33 پۆند لە قۆناغی جێبەجێکردندان و بەشێکیان تەواو بوون، بڕیاریشه‌ له‌ ئاینده‌یه‌كی نزیک، پێنج پۆندی دیکە له‌ ده‌وروبه‌ری هه‌ولێر دروست بكرێن کە ناوچەکانی خانزاد، گرده‌ڕه‌شه‌ و تارینا لەخۆدەگرێت".

 

زانیاریی زیاتر: ئەو پۆندانە دراونەتە تەندەرین، هاوکات لەو 33 پۆندەی کە لە قۆناغی جێبەجێکردنن تاوەکو ئێستا نزیکەی 10 دانەیان تەواو بوون.