هێڵی ئاسمانی قەتەر گەشتەکانی بۆ چەند وڵاتێک ڕاگرت

ئاڤا نیوز

بەهۆی گرژی و ئاڵۆزییەکانی ناوچەکە، هێڵی ئاسمانی قەتەر گەشتە ئاسمانییەکانی بۆ وڵاتانی عێراق، ئێران و لوبنان ڕاگرت.

 

وێنە گەورەکە: بەهۆی ئاڵۆزییەکانی ئەم دواییەی ڕۆژهەڵاتی ناوەڕاست، قەتەر گەشتەکانی بۆ وڵاتانی عێراق، ئێران و لوبنان ڕاگرت، بۆ وڵاتی ئوردنیش گەشتەکانی سنووردار دەکات.

 

ڕاگەیێنراوی فەرمی: هێڵی ئاسمانی قەتەر ڕایگەیاند: بەهۆی بارودۆخی ئێستای ناوچەی ڕۆژهەڵاتی ناوەڕاست، هێڵی ئاسمانی قەتەر گەشتەکانی بۆ عێراق و ئێران و لوبنان بۆ ماوەیەکی کاتی ڕاگرتووە.

 زانیاریی زیاتر: هێڵی ئاسمانی قەتەر گەشتەکانی لە ڕۆژدا بۆ ئوردن سنووردار دەبن.

 

باکگراوند: ئەمە لە کاتێکدایە کە هەردوو هیڵی ئاسمانی " تورکش ئێرلاین و پێگاسوس" دوێنێ چوارشەممە ڕایانگەیاند، بەهۆی زیادبوونی گرژییەکان و هێرشی چاوەڕوانکراوی ئیسرائیل بۆ سەر ئێران سەرجەم گەشتەکانی بۆ وڵاتی ئێران تا 1ـی تشرینی دووەم هەڵوەشاندەوە.