لە ئۆپەراسیۆنێکدا 176 ئەندامی پەکەکە دەستگیر دەکرێن

ئاڤا نیوز

 

 لە ئۆپەراسیۆنێکی دەزگای میت کە لە 31 پارێزگای تورکیا ئەنجامدران، ژمارەیەک ئەندامی پەکەکە دەستگیرکران.

 

وێنە گەورەکە: دوای هێرشە چەکدارییەکەی سەر کۆمپانیای پیشەسازیی فڕۆکەوانی توساش لە تورکیا لە 23ـی تشرینی یەکەم، ئۆپەراسیۆنی سەربازی میت لە تورکیا دەستیپێکرد.

 

ڕاگەیێنراوی فەرمی: عەلی یەرلیکایا، وەزیری ناوخۆی تورکیا لە بەیاننامەیەکدا ڕایگەیاند: ئۆپەراسیۆنەکانی گورز-20ـیان بۆسەر ئەندامانی، پەکەکە، کەجەکە و پ.ی.د لە 31 پارێزگای تورکیا دەستپێکردووە و 176 ئەندامیان دەستگیرکردوون.

 

زانیاریی زیاتر: گومانلێکراوەکان ئەندامانی، پەکەکە، کەجەکە و پ.ی.د ـن، لەناو پێکهاتەی گەنجان و چالاکییان کردووە و پارەیان بۆ گرووپەکان دابین کردووە و لە ڕێگەی هەژماری تۆڕە کۆمەڵایەتییەکانیانەوە پڕوپاگەندەیان بۆ گرووپەکان کردووە.

 

ئەمەش بزانە: یەرلیکایا جەختی لەوە کردەوە کە میت بەردەوام دەبێت لە ئۆپەراسیۆنەکانی دژ بە گرووپە چەکدارەکان.