میسر گەشتەکانی بۆ هەولێر و بەغدا هەڵوەشاندەوە

ئاڤا نیوز 

 

کۆمپانیای فڕۆکەوانی نیشتمانیی میسر گەشتەکانی کۆمپانیاکەی بۆ هەردوو فڕۆکەخانەی نێودەوڵەتیی هەولێر و بەغدا تاوەکو کاتێکی نادیار هەڵوەشاندەوە.

 

وێنە گەورەکە: بەهۆی هێرشەکانی ئەم بەرەبەیانییەی ئیسرائیل بۆ سەر ئێران، چەندین گەشتی نێودەوڵەتیی و نێوخۆیی هەڵوەشانەوە، دوای هێرشەکانیش بەشێک لە وڵاتان دەستپێکردنەوەی گەشتەکانیان ڕاگەیاند و بەشێکیشیان هێشتا گەشتەکانیان دەستپێ نەکردووەتەوە.

 

ڕاگەیێنراوی فەرمی: کۆمپانیای فڕۆکەوانی نیشتمانیی میسر ڕایگەیاند: بەهۆی ئەو ڕووداوانەی لە ناوچەکە ڕوودەدەن، ئەمڕۆ گەشتەکانی کۆمپانیاکە بۆ هەردوو شاری بەغدا و هەولێر هەڵوەشاوەتەوە تاوەکو دۆخی ناوچەکە سەقامگیر دەبێت.

 

زانیاریی زیاتر: کۆمپانیاکە لە ڕاگەیێنراوەکەدا ئاماژەی بەوەشکردووە، بڕیاردراوە ئەمڕۆ گەشتی ژمارە (MS0719) کە بەرەو عەممان دەڕوات هەڵبوەشێنێتەوە. داوا لە کڕیارەکانی دەکات پێداچوونەوە بە وادەی بڕینی تیکتەکانیان بکەن و پەیوەندی بە ناوەندی خزمەتگوزاری پەیوەندییەکانی فڕۆکەوانی میسرەوە بکەن.