مووشەکێکی نەناسراو لە پارێزگای سەڵاحەددین دەکەوێتە خوارەوە

ئاڤا نیوز

 

هاوکات لەگەڵ هێرشە مووشەکی و ئاسمانییەکەی ئیسرائیل بۆسەر ئێران، مووشەکێکی نەناسراو لە یەکێک لە ناوچە دوورە دەستەکانی باشووری پارێزگای سەڵاحەدین دەکەوێتە خوارەوە.

 

زانیاریی بەدەستهاتوو: سەرچاوەیەک لە پۆلیسی عێراق ئەوەی بۆ میدیای وڵاتەکەی ئاشکرا کردووە، کە بەرەبەیانی ئەمڕۆ شەممە مووشەکێک لە پانتاییەکی کەرتی مەکیشیفەی سەر بە قەزای سامەڕا کەوتووەتە خوارەوە بێ ئەوەی هیچ زیانێکی هەبێت.

 

زانیاریی زیاتر: بە گوتەی ئەو سەرچاوەیە، تا ئێستا جۆری مووشەکەکە لەلایەن دەزگا تایبەتمەندەکانەوە دیاری نەکراوە، هاوکات سەرچاوەی هەڵدانی ئەو مووشەکەش نەزانراوە، لێکۆڵینەوە لەسەر ڕووداوەکە دەستی پێکردووە.

 

ئەوەی پێویستە بیزانیت: کەوتنی ئەم مووشەکە هاوکات بووە لەگەڵ هێرشەکانی ئیسرائیل بۆ ناوەندی ئێران و کردنە ئامانجی چەند ناوچەیەک.