کوێت داوای جێگرەوەی نێردەی یونامی لە عێراق دەکات

ئاڤا نیوز

 

وەزیری دەرەوەی کوێت دەڵێت، تائێستا کێشە هەڵپەسێردراوەکانیان لەگەڵ عێراق چارەسەنەکراون، بۆیە داوا دەکات نەتەوە یەکگرتووەکان جێگرەوەیەک بۆ نێردەی یونامی لە عێراق بدۆزێتەوە.

 

وێنە گەورەکە: مانگی ئایاری ئەمساڵ ئەنجوومەنی ئاسایشی نێودەوڵەتی بڕیاریدا لە کانوونی یەکەمی 2025دا کۆتایی بە ئەرکەکانی نێردەی نەتەوە یەکگرتووەکان لە عێراق (یونامی) بهێنێت.

 

ڕاگەیێنراوی فەرمی: عەبدوڵڵا عەلی یەحیا، وەزیری دەرەوەی کوێت لە کۆنفرانسێکی ڕۆژنامەنووسیدا لەگەڵ هاوتا ڕووسییەکەی ڕایگەیاند: تائێستا دۆسییەکانی سنوور، گەڕانەوەی ڕووفات و چارەنووسی خێزانە بارمتەکان و گێڕانەوەی ئەرشیڤی نیشتیمانی وڵاتەکەی لەگەڵ عێراق چارەسەر نەکراون، بۆیە ئومێدەوارە پێش کۆتاییهاتنی ئەرکی (یونامی)، ئەو کێشانە بە تەواوی چارەسەر بکرێن.

 

زانیاریی زیاتر: لە کۆبوونەوەکەدا وەزیری دەرەوەی کوێت و ڕووسیا باسیان لە دۆزینەوەی جێگرەوەی نێردەی یونامی لە عێراق کردووە، ئەگەر کێشەکانی نێوان کوێت و عێراق تا کۆتایی ساڵی داهاتوو چارەسەر نەکرێن، چونکە لەگەڵ ڕێکخراوە نێودەوڵەتییەکانی دیکە هاوکاربووە بۆ چارەسەرکردنی بەشێک لە کێشەکان.