شەپۆلێکی بارانبارین ناوچە جیاوازەکانی هەرێمی کوردستان دەگرێتەوە

ئاڤا نیوز
 
پێشبینی دەکرێت شەپۆلێکی بارانبارین ڕوو لە سەرجەم ناوچەکانی هەرێمی کوردستان بکات، و سەرجەم تیمەکانی بەرگری شارستانی خراونەتە حاڵەتی ئامادەباشییەوە.
 

ڕاگەیێنراوی فەرمی: بەڕێوەبەرایەتیی بەگری شارستانی هەرێمی کوردستان ڕایگەیاند: بەگوێرەی دوایین پێشبینیی بەڕێوەبەرایەتیی گشتیی کەشناسی و بوومەلەرزەزانی هەرێمی کوردستان، پێشبینی دەکرێت شەپۆلێکی بارانی بەخوڕ ڕوو لە هەرێمی کوردستان بکات، بۆ ئەو مەبەستە سەرجەم تیمەکانی بەرگری شارستانی خراونەتە حاڵەتی ئامادەباشییەوە. 

 

زانیاریی زیاتر: پێشبینی دەکرێت زۆرترین ڕێژەی بارانبارین سنووری پارێزگای سلێمانی بگرێتەوە و ڕێژەکەی بگاتە 40 ملیمەتر، هاوکات پێشبینی دەکرێت کەمترین ڕێژەش لە ئیدارەی سەربەخۆی زاخۆ بێت کە 15 ملیمەتر باران ببارێت.