تەنیا لەماوەی حەوت مانگدا 10 هەزار کەس کۆچیان کردووە بەرەو ئەوروپا

ئاڤا نیوز

 

کۆچی گەنجان لە هەرێمی کوردستان و بەتایبەت لە ئیدارەی ڕاپەڕین بەردەوامە و بەپێی ئاماری کۆمەڵەی پەنابەرە گەڕاوەکانی ئەوروپا، تەنیا لە ماوەی  10مانگی سەرەتای ئەمساڵەوە نزیکەی 7 هەزار کەس کۆچیان کردووە، لەو ژمارەیەش زیاتر لە 1500 کەسیان دانیشتووی ئیدارەی ڕاپەڕین بوون.

 

وێنە گەورەکە: ماوەی چەندین ساڵە کۆچی نایاسایی دانیشتووانی هەرێمی کوردستان بەرەو وڵاتانی ئەوروپا ڕوو لە زیادبوونە، زۆرجار بەهۆی ئەو کۆچە نایاساییەوە کارەساتی دڵتەزێن ڕووبەڕووی خێزانی ئەو کەسانە بووەتەوە کە لە ڕێگەی چوون بۆ ئەوروپا گیانیان لەدەستداوە. 

 

زانیاریی زیاتر: بەشێکی زۆر لەو هاووڵاتییانەی کە کۆچییان بەرەو ئەوروپا کردووە دانیشتووی ئیدارەی ڕاپەڕینن، زۆرجاریش بەهۆیەوە تووشی کارەساتی دڵتەزێن بوون بەهۆی ژێرئاوکەوتنی بەلەمەکانیان و چارەنووسی بەشێکیشیان نادیارە.

 

ئەوەی پێویستە بیزانیت: بە درێژی ئەو ماوەی هاووڵاتییانی هەرێمی کوردستان، زیاتر لە 364 هاونیشتمانی کوردستان بێسەر و شوێنن، کەسوکاریان هێشتا لە چاوەڕوانی گەڕانەوەیاندان.

 

باکگراوند: لەکۆتایی ساڵی 2023وە تاوەکو ئێستا 44 هاونیشتمان گیانیان لەدەستداوە کە 14 لەو کەسانە دانیشتووی ئیدارەی ڕاپەڕین.