هێرشەکانی ئیسرائیل بۆ سەر لوبنان بەردەوامن

ئاڤا نیوز

 

هێرشە و بۆردوومانەکانی سوپای ئیسرائیل بۆ سەر لوبنان بەردەوامی هەیە، جیاواز لە زیانە مرۆییەکان بەهۆیەوە زیان بە چەندین ناوچەی شوێنەوارییەکانیش گەیشتووە.

 

وێنە گەورەکە: دوای شەڕی غەززە ئیسرائیل ئاڕاستەی شەڕی گۆڕیوە بەرەو لوبنان بە ئامانجی کۆتایهێنان بە ژێرخانی سەربازی حیزبوڵڵای لوبنان، بەهۆی بۆردوومانە بەردەوامەکانەوە تاوەکو ئێستا هەزاران هاووڵاتی سڤیل ئاوارەبوون و بە سەدانی تریش بوونەتە قوربانی هێرشەکان.

 

زانیاریی زیاتر: ناوچە شوێنەوارییەکان و شوێنە گەشتیارییەکانی لوبنان ئامانجی بۆردوومانی سوپای ئیسرائیلن، هاوکات هاووڵاتییان ئەو وڵاتە دەڵێن، ئیسرائیل بێ ئەوەی حساب بۆ گیانی خەڵکی سڤیل بکات هەموو شوێنێک بە ئامانج دەگرێت.