ئەمریكا دەیەوێت بەر لە مانگی ڕەمەزان ئاگربەستێك لە غەززە بێتە ئاراوە

ئاڤا نیوز

ئەمریکا هەوڵەکانی بۆ هێنانە ئارای ئاگربەستێکی کاتیی، بەر لە سەرەتای مانگی ڕەمەزان، لە غەززە  چڕ کردووەتەوە. 

وێنە گەورەکە: برێت مەکگۆرک، نێردەی تایبەت و ڕاوێژکاری باڵای سەرۆکی ئەمریکا بۆ ڕۆژهەڵاتی ناوەڕاست، داوای لە بەرپرسانی ئیسرائیل کردووە بە مەبەستی گەیشتن بە ئاگربەستێکی کاتیی و ئازادکردنی بارمتەکان، بەشداریی لە گفتوگۆکانی پاریسدا بکەن. 

زانیاریی زیاتر: مەکگۆرک بە بەرپرسانی ئیسرائیلی گوتووە: لە گفتوگۆکانی ڕۆژانی ڕابردوودا، کە لە نێوان بەرپرسانی حەماس و نوێنەرانی میسر و قەتەر بەڕێوەچووە، هەنگاوی باش نراون و بەرەوپێشچوونی باش بە دەست هاتوون.بڕیارە ویلیام بێرنز، سەرۆکی سی ئای ئەی، لە گفتوگۆکانی پاریس بەشدار بێت. 

باکگراوند: شەڕی ئیسرائیل و حەماس بەردەوامە و تا ئێستا زیاتر لە 29 هەزار کەس، کە زۆربەیان ژن و منداڵن، لە کەرتی غەززە کوژراون.