سەرۆکی لیژنەی دارایی پەرلەمانی عێراق: مووچەی فەرمانبەرانی هەرێمی کوردستان هێڵی سوورە

ئاڤا نیوز

 

سەرۆکی لیژنەی دارایی پەرلەمانی عێراق جەختدەکاتەوە کە بڕیارەکەی دادگەی فیدراڵی پێداگیرییە لەسەر ئەوەی کە مووچەی مووچەخۆرانی هەرێمی کوردستان هێڵی سوورە. 

 

لێدوانی فەرمی: عەتوان عەتوانی، سەرۆکی لیژنەی دارایی پەرلەمانی عێراق ڕایگەیاند: بڕیارەکەی دادگەی فیدراڵی جەختیکردەوە، مووچەی فەرمانبەرانی هەرێمی کوردستان هێڵی سوورە، بۆیە پێویستە وەزارەتی دارایی عێراق مووچەی فەرمانبەرانی هەرێمی کوردستان بەبێ هیچ مەرجێک ڕەوانە بکات.

ئەوەی پێویستە بیزانیت:  لیژنه‌ی دارایی ئەنجوومەنی نوێنەرانی و وه‌زیری دارایی عێراق، ڕۆژی دووشەممەی داهاتوو بۆ تاوتوێكردنی بڕیاری دادگەی فیدراڵی له‌باره‌ی مووچه‌ی مووچەخۆرانی هه‌رێمی کوردستان كۆده‌بنه‌وه‌.

 

باکگراوند: ڕۆژی 21-02-2024 دادگەی فیدراڵی بڕیاریدا بە پابەندکردنی وەزارەتی دارایی عێراق، مانگانە مووچەی فەرمانبەرانی هەرێمی کوردستان ڕەوانە بکات.