ئەمریکا بڕیارەکەی دادگای دادی نێودەوڵەتی ڕەتدەکاتەوە

ئاڤا نیوز

دوای ئەوەی ئەمڕۆ دادگای تاوانە نێودەوڵەتییەکان، بڕیاری دەستگیرکردنی بۆ بنیامین نەتانیاهۆ، سەرۆکوەزیرانی ئیسرائیل و یۆئاڤ گالانت دەکرد، ئەمریکا بڕیارەکە ڕەتدەکاتەوە.

 

چی ڕوودەدات: لە بەرامبەر ئەو تاوانانەی دژی مرۆڤایەتیی و تاوانی جەنگ ئەنجامی دراون، فەرمانی دەستگیرکردنی هەریەکە لە بنیامین نەتانیاهۆ، سەرۆکوەزیرانی ئیسرائیل و یۆئاڤ گالانت، وەزیری بەرگریی پێشووی ئیسرائیل لەلایەن دادگای تاوانە نێودەوڵەتییەکان دەرکرا، دوای بڕیارەکە کاردانەوەی زۆری نێودەوڵەتی بەدوای خۆیدا هێنا. 

 

ڕاگەیێنراوی فەرمی: وتەبێژی ئاسایشی نیشتمانی کۆشکی سپی نیگەرانی خۆی بەرامبەر بەم بڕیارە دەردەبرێت بە ڕۆژنامەی تایمز ئۆف ئیسرائیلی ڕاگەیاند، لە بنەڕەتدا بڕیارەکەی دادگای تاوانەکانی نێودەوڵەتی ڕەتدەکاتەوە''. دەشڵێت، دادگای نێودەوڵەتی تاوان دەسەڵاتی دادوەریان بەسەر ئەم بابەتەدا نییە. 

 

زانیاریی بەدەستهاتوو: لە درێژەیی قسەکانیدا وتەبێژ ئاماژەیی بەوەشکرد کە ئەمریکا لەگەڵ هاوبەشەکانی  لەوانەش ئیسرائیل گفتۆگۆی هەنگاوەکانی داهاتوو دەکەین''. 

 

کاریگەری و لێکەوتەکان: ئەم بڕیارە زۆر کاردانەوەی نێودەوڵەتی بەدوای خۆیدا هێنا، لەلایەک هەندێکیان دژ بەم بڕیارە دەوەستن، لەوانەش سەرکردەکانی یەکێتیی ئەوروپا داوای جێبەجێکردنی ئەم بڕیارە دەدەن، هاوکات بزووتنەوەی حەماسیش پێشوازی لە بڕیاری دادگای کرد بە هەنگاوێکی گرنگ بەرەو دادپەروەری پێناسەکرد.