هۆشیار زێباری: گەندەڵی لە عێراق گەیشتووەتە ئاستێكی كۆنتڕۆڵنەكراو

ئاڤا نیوز

 

لە چوارچێوەی پانێلەكانی كۆڕبەندی مێپس، هۆشیار زێباری، ئەندامی مەكتەبی سیاسی پارتی و وەزیری دەرەوەی پێشووتری عێراق تیشكی خستە دۆخ و ئاستی گەندەڵیی لە عێراق و بە مەترسیدار وەسفی كرد. 

 

وێنە گەورەکە: ئەمڕۆ هەینی 22/ 11/ 2024، بە بەشداری سەرۆك بارزانی و زیاتر لە 120 سەرۆك و كەسایەتییەكانی جیهان و ناوچەكە و عێراق، پێنجەمین کۆڕبەندی ئاشتی و ئاسایشی ڕۆژهەڵاتی ناوەڕاست 'مێپس-2024' لە شاری دهۆك بەڕێوە دەچێت، تەوەری سەرەكی كۆڕبەندەكەش؛ ناكۆكییەكانی ناوچەكە و ئالیەتی ڕێگریكردنە لە فراوانبوونی گرژییەكان.

لێدوانی فەرمی: هۆشیار زێباری، ڕایگەیاند: لە عێراق هەموو مەرجەكانی سەركەوتنمان هەیە بەڵام حكومڕانێكی ڕێكوپێكمان لە عێراق نییە، گەندەڵی لە عێراق بەربڵاوە و گەیشتووەتە ئاستێكی كۆنتڕۆڵنەكراو، كۆنتڕۆڵكردن و چارەسەركردنیشی پێویستی بە حكومەتێكی تۆكەمەیە.

 

لەلایەكی دیكەوە: لەو بەشێکی دیکەی پانێڵەکەدا وەزیری دەرەوەی پێشووتری عێراق گوتی: سیستمیی ئابووریی هاوچەرخ گرنگە بۆ هەموو حكومەتێك، ئێستا حكومەتی هەرێمی كوردستان سەرقاڵی بەدیجیتاڵكردنی داراییە و ئەمەش هەنگاوێكی گرنگە.

 

گۆشەیەكی دیكە: "عێراق پشت بە یەك سەرچاوەی دارایی دەبەستێت كە نەوتە، نرخی نەوتیش جڵەو ناكرێت، زۆرینە باوەڕیان وایە كە ئەگەر لەسەر ئەو سیستەمە بەردەوام بین ناتوانین لە داهاتوودا مووچە دابین بكەین، هۆكاری سەرەكیش زۆریی خەرجییە ناپێویستەكانە لە عێراق". هۆشیار زێباری وای گوت.