کۆمکاری عەرەبی لەسەر پرسێکی پەیوەست بە عێراق و ئیسرائیل کۆدەبێتەوە

ئاڤا نیوز

 

کۆمکاری عەرەبی دوای ئەوەی یاداشتێکی لەلایەن عێراقەوە پێگەیشت لەبارەی پرسی هەڕەشەکانی ئیسرائیل بۆ سەر ئەو وڵاتە، بڕیارە ڕۆژی یەکشەممە کۆبوونەوەی نائاسایی ئەنجام بدات. 

 

ڕاگەیێنراوی فەرمی: ئاژانسی فەرمیی عێراق ڕایگەیاند: ڕۆژی یەکشەممەی داهاتوو ئەنجوومەنی کۆمکاری عەرەبی، لەبارەی هەڕەشەکانی ئیسرائیل بۆ هێرشکردنە سەر عێراق کۆدەبێتەوە.

 

زانیاریی زیاتر: ئەم کۆبوونەوەی دوای ئەوە دێت، ئیسرائیل سکاڵا نامەیەکی ناردووە بۆ ئەمینداری گشتیی نەتەوە یەکگرتووەکان و ئەنجوومەنی ئاسایشی نێودەوڵەتی، لە نامەکە گرووپە چەکدارەکانی عێراق تۆمەتبار دەکات بە هێرشکردنە سەر وڵاتەکەی، ئاماژەی بەوەداوە ئیسرائیل بە مافی خۆی دەزانێت بەرگریی لە خۆی بکات. حکومەتی عێراقیش ئەو نامەیە بە پاساوێک دەزانێت بۆ هێرشکردنە سەر وڵاتەکەی.