توێژینەوەیەک: ئەو کەسانەی درەنگ دەخەون بەراورد بەو کەسانەی زوو دەخەون زیرەکترن

ئاڤا نیوز

 

لە منداڵییەوە کەسەکان وا فێر دەکرێن بۆ ئەوەی گەشە بەتوانای مێشکیان بدەن، پێویستە شەوان زوو بخەون، بەڵام توێژینەوەیەک پێچەوانەی ئەمە دەردەخات.

 

بڵاوکراوەی فەرمی: توێژەرانی زانکۆی ئیمپریاڵ لەندەن، لێکۆڵینەوەیان لەسەر زیاتر 26 هەزار کەس ئەنجامداوە، دەرکەوتووە، مانەوەی کەسەکان تا درەنگانی شەو دەتوانێت سوود بە هێزی مێشک بگەیێنێت، ئەمەش وادەکات ئەو کەسانەی تا درەنگانی شەو دەمێننەوە زیرەکتر بن بەراورد بە کەسانەی کە زوو دەخەون.

 

ئەوەی لەبارەیەوە دەگوترێت: لە توێژینەوەکەدا دەرکەوتووە کەسانی داهێنەر درەنگ دەخەون، ئاماژەی بە نووسەران، میوزیکژەن و هونەرمەندان کرد، ئەم جۆرە کەسانە شەو درەنگ دەخەون بەهۆیەوە توانا و  زیرەکییەکی باشیان هەیە.

 

زانیاریی بەدەستهاتوو: لە توێژینەوەکەدا تیشک خرایە سەر گرنگی و کواڵیتی خەو و کاتی پێویست بۆ نووستن بۆ ئەوەی ببیتە خاوەنی خەوێکی تەندروست و مێشکێکی بەهێز.