میت کوژرانی بەرپرسێکی هەواڵگریی پەکەکە لە شنگال ڕادەگەیەنێت

ئاڤا نیوز

لە ئۆپەراسیۆنێکی دەزگای هەواڵگریی تورکیا ناسراوە بە میت، سەعدییە محەممەد ئەحمەد، کە بە هێڤی ناسراوە و بەرپرسی گواستنەوەی هەواڵگریی پەکەکە بووە لە شنگال، لە هەرێمی کوردستان کوژراوە، بەڵام پەکەکە هەواڵەکەیان پشت ڕاست نەکردووەتەوە.

 

ئەوەی پێویستە بیزانیت: هێڤی لە لیستی داواکراوەکان بووە، دوای ئەوەی شوێنەکەی لە شنگال دیاری دەکرێت، لەلایەن فڕۆکەکانی تورکیاوە دەکرێتە ئامانج.

 

زانیاریی بەدەستهاتوو: بە گوێرەی زانیارییەکانی میت، هێڤی لە ساڵی 2001ەوە لە نێوان باشوور و ڕۆژئاوای کوردستان لە نێو ڕیزەکانی پەکەکە وەک بەرپرسی گواستنەوەی هەواڵگریی کاری کردووە.

 

بۆچوونی لایەنی بەرامبەر: تاوەکو ئێستا پەکەکە هەواڵی کوژارنی هێڤی لە شنگال پشتڕاست نەکردووەتەوە.