لە نێوان هەسەدە و تەحریر شام شەڕە و پێنج شەڕڤان کوژراون

ئاڤا نیوز

شەڕ و پێکدادانی تووند لە نێوان هێزەکانی سووریای دیموکرات و گرووپە چەکدارەکانی ئۆپۆزیسیۆنی سووریا لە چەند ناوچەیەک لە باکووری شاری حەلەب بەردەوامە، تاوەکو ئێستاش پێنج شەڕڤان گیانیان لەدەست داوە.

وێنە گەورەکە: دوای سەرهەڵدانی شەڕی حەلەب، ئێوارەی دوێنێ بۆ یەکەمجار پێکدادان لە نێوان هێزەکانی سووریای دیموکرات (هەسەدە) کە لەلایەن کوردەوە سەرکردایەتیی دەکرێت، لەگەڵ گرووپە چەکدارەکانی ئۆپۆزیسیۆنی سووریا بەسەرۆکایەتیی دەستەی تەحریر شام ڕووی دا. 

زانیاریی بەدەستهاتوو: بەپێی هەواڵێکی ڕوانگەی سووری بۆ مافەکانی مرۆڤ، پێکدادانی چەکداری لە نێوان هێزە کوردییەکان لەلایەک و گرووپەکانی "جەیشی وەتەنی"  کە بەشێکە لە ئۆپۆزیسیۆنی سووریان  لەلایەکی دیکەوە بەردەوامە، ڕووبەڕووبوونەوەی تووند لە بەرەی شارۆچکەی حەربەل و شەوارغە و مالکیە لە باکووری حەلەب ڕووی داوە، بەڵام هیچ زانیارییەک لەبارەی زیانی گیانی و ماددی نەزانراوە.

زانیاریی زیاتر: ئەو ڕووبەڕووبوونەوە هاوکاتە لەگەڵ بۆردوومانی هێزەکانی توورکیا و گرووپەکانی ئۆپۆزیسیۆن لە ڕێگەی بۆمبهاوێژەوە بۆ سەر گوندەکانی شێخ عیسا و مەرعناز و ئوم حوش لە دەورەبەری باکووری حەلەب، لەو ناوچانەی دەکەونە ژێر دەسەڵاتی هێزە کوردییەکان.

لەلایەکی دیکەوە: ناوەندی پەیوەندییەکانی هه‌سه‌ده‌ و میدیاکانی یەپەگە گیانلەدەستدانی پێنج شەڕڤان و برینداربوونی چوار کەسی مەدەنییان پشتڕاست کردووەتەوە.

 

ئەمەش بزانە: دوو گەڕەکەی حەلەب و بەشێک لە ناوچەکانی سەر بە پارێزگاکە وەکو تەل ڕەفعەت و تەل عەرن و عەزاز لەژێر دەستی کوردن. 

نوێ دەکرێتەوە...