بەشێكی شەقامی 120 مەتریی هەولێر دادەخرێت

ئاڤا نیوز

 

سەرۆكایەتیی شارەوانیی هەولێر شۆفێران لە داخستنی بەشێكی شەقامی 120 مەتریی شارەکە ئاگادار دەكاتەوە.

 

ڕاگەیێنراوی فەرمی: سەرۆكایەتیی شارەوانیی هەولێر ڕایگەیاند: سبەی چوارشەممە 11-12-2024، هەڵدەستین بە ڕێكخستنەوە و چاککردنەوەی بەشێکی شەقامی سەرەکی 120 مەتری (هەولێر - زاخۆ) تاوەكو (هەولێر - شەقڵاوە) سایدی چوون، هەروەها  (هەولێر- موسڵ)تاوەكو (هەولێر - زاخۆ) سایدی چوون، بۆیە بۆ ماوەیەکی کاتی هێڵێكی ئەم شەقامە دادەخرێت و کاری تێدادەکرێت داواکارین لە شۆفێران  ڕەچاوی خێرایی بکەن لە کاتی هاتووچۆ.

 

ئەوەی پێویستە بیزانیت: شەقامی 120 مەتری، 37 کیلۆمەترە، 11 ئۆڤەرپاس و پێنج ئەندەرپاس لەخۆ دەگرێت، پانیی شەقامە سەرەکییەکە 15 مەتر بۆ هەر سایدێکە، هەر سایدێک چوار ڕێڕەوی تێدایە.