ئامینە زکری: چاوەڕێی وەڵامی یەكێتین بۆ کۆبوونەوە و دانوستاندن

ئاڤا نیوز

 

پارتی ئامادەکاری بۆ دەستپێکردنی گەڕی دووەمی دانوستاندن لەگەڵ لایەنەکان بۆ پێکهێنانی حکومەتی نوێ دەکات، سەرەتا لەگەڵ یەکێتی کۆدەبێتەوە و پۆستەکانی دەستەی سەرۆکایەتی پەرلەمان گرنگترین پاکێجی سەر مێزی گفتوگۆکان دەبێت.

 

وێنە گەورەکە: 10 ڕۆژ بەسەر دانیشتنی یەکەمی پەرلەمانی کوردستان تێپەڕ دەبێت، پارتی و یەکێتی کاندیدیان بۆ هەرسێک پۆستەکەی دەستەی سەرۆکایەتی پەرلەمان هەیە، ئامانجەکە ئەوەیە لە کۆبوونەوەی داهاتووی نێوانیان ئەو پۆستانە یەکلایی بکەنەوە.  

 

لێدوانی فەرمی: ئامینە زکری، ئەندامی مەکتەبی سیاسیی پارتی دیموکراتی کوردستان بە ئاڤا نیوزی گوت، "چاوەڕێی وەڵامی یەکێتین بۆ کۆبوونەوە و دانوستاندن، جەخت لەسەر ئەوە دەکەینەوە کە بنەمای پێکهێنانی حکومەت ئەنجامی هەڵبژاردن بێت."  

 

ئەوەی پێویستە بیزانیت: ئەمە دووەمین کۆبوونەوەی شاندی باڵای پارتی و یەکێتییە، دواینجار ڕۆژی 30-11-2024 شاندی دانوستاندكاری هەردوولا لە سلێمانی کۆبوونەوە و ئامادەییان دەربڕی بۆ درێژەدان بە کۆبوونەوەکانی نێوانیان.