ئیسرائیل: مانەوەمان لە سووریا کاتییە

ئاڤا نیوز 

 

دوای هێرشی چەکدارانی ئۆپۆزسیۆنی سووریا بۆ سەر دیمەشقی پایتەختی وڵاتەکە و کەوتنی دەسەڵاتی بەشار ئەسەد، هێزەکانی ئیسرائیل چەندین کیلۆمەتر چوونەتە نێو خاکی سووریا، بەڵام ئیسرائیل دەڵێت: مانەوەمان لەوێ کاتییە.

 

ڕاگەیێنراوی فەرمی: نووسینگەی بنیامین نەتانیاهۆ، سەرۆکوەزیرانی ئیسرائیل لەبارەی بوونی هێزەکانی ئیسرائیل لە سووریا ڕایگەیاند: 

٠سوپای ئیسرائیل تەنیا بە شێوەیەکی کاتی لە سنووری سووریایە

٠مانەوەمان کاتییە، تاوەکو ئەو کاتەی هێزێک پێکدەهێنرێت کە پابەند بێت بە ڕێککەوتنی 1974 بۆ ئاسایشی سنوورەکانمان

٠ڕێگە نادەین گرووپە جیهادییەکان ئەم هەلە بقۆزنەوە و سوود لەم بۆشاییە وەربگرن، هەڕەشە بۆ سەر پێگەکانی ئیسرائیل دروست بکەن.

 

ئەوەی پێویستە بیزانیت: تاوەکو ئێستا وادەی مانەوەی هێزەکانی ئیسرائیل لەم سنوورانە دیاری نەکراوە. 

 

ئەمەش بزانە: ماتیو میلەر، گوتەبێژی وەزارەتی دەرەوەی ئەمریکا ئاماژەی بەوە کردبوو، هەنگاوەکانی ئیسرائیل کاتین تەنیا مەبەستی بەرگریکردنە لە سنوورەکانی، بەڵام جێبەجێکردنی ڕێککەوتنی 1974 پابەندبوونی لایەنەکان پێویستە.