گرووپە چەکدارەکان سێ جار هێرشیان کردووەتە سەر بەنداوی تشرین

ئاڤا نیوز

 

بەنداوی تشرین لە دووەم گەورەترین بەنداوی سووریایە، بووەتە ئامانجی سەرەکی هێرشەکانی تورکیا و گرووپە چەکدارەکانی نزیک لەو وڵاتە.

 

چیرۆکی سەرەکی: دوای نیوەڕۆی ئەمڕۆ، گرووپە چەکدارەکانی نزیک لە تورکیا سێ جار هێرشیان کردووتە سەر بەنداوی تشرین لە باشووری کۆبانێ.

 

لێدوانی فەرمیی: سەرچاوەیەکی لە هەسەدە بە ئاڤا نیوزی ڕاگەیاند: سەرەڕای ئەوەی ئێمە لە ڕێگەی ئەمریکاوە ڕێککەوتنمان لەگەڵ ئۆپۆزیسیۆن هەیە کە هێرش نەکەینە سەر یەکتری، بەڵام گرووپە چەکدارەکانی نزیک لە تورکیا، لە خاڵە سەربازییەکانی 'هەتەشە'وە هێرشیان کردووەتە سەر هێزەکانمان لە بەنداوی تشرین.

 

زانیاریی زیاتر: ئەو چەکدارانە بە تانکی سەربازی و زرێپۆشەوە هێرشێکی فراوانیان بۆ سەر بەنداوەکە دەستپێکردووە، بەهۆیەوە زیانێکی زۆر بە بەنداوە و سیستمی کارەباکەی گەیاندووە.

 

باکگراوند: ڕۆژی سێ شەممە بەهۆی بۆردوومانی تورکیاوە بەنداوی تشرین لە سنووری منبج کارکردنی کارمەندان تیایدا وەستا، هەر لەو ڕۆژەشدا هەسەدە ڕاگەیەندراوێکی بڵاوکردەوە و ئاماژەی بەوەدا 100  ئەندامی گرووپە چەکدارەکانی نزیک لە تورکیا کوژراون.