جی7 سەبارەت بە پرسی سووریا بە ئۆنلاین کۆدەبێتەوە

ئاڤا نیوز

 

ڕۆژی هەینی، 13-12-2024, سەرانی وڵاتانی کۆمەڵەی جی7، سەبارەت بە پرسی سووریا لەڕێگەی ئۆنلاینەوە کۆدەبنەوە.

 

وێنە گەورەکە: کۆبوونەوەکە لە کاتێکدایە دوای لە کارلادانی دەسەڵاتی بنەماڵەی ئەسەد لەلایەن ئۆپۆزیسیۆنی سووریا، حکومەتی کاتیی سووریا بەڵێنی داوە ببێتە وڵاتێک کە تیایدا یاسا سەروەر بێت.

 

زانیاریی زیاتر: کۆبوونەوەکەی وڵاتانی جی7 دوای ئەوە دێت کە ئەنتۆنی بلینکن، وەزیری دەرەوەی ئەمریکا سەبارەت بە پرسی سووریا سەردانی هەریەکە لە ئوردن و تورکیای کردووە و لەگەڵ بەرپرسانی ئەو وڵاتانە کۆبووەتەوە.

 

لایەکی دیکە: لەلایەکی دیکەوە بەرپرسانی هەواڵگریی هەر یەکە لە قەتەر و تورکیا سەردانی دیمەشقیان کردووە و لەگەڵ دەستەڵاتی نوێی سووریا کۆبوونەتەوە.

 

ئەمەش بزانە: هاوکات، تورکیا نێردەی خۆی بە شێوەی کاتی بۆ سووریا دەستنیشان کردووە تا وەک باڵیۆز ڕۆڵ بگێڕێت.