نێردراوی تایبەتی نەتەوەیەکگرتووەکان گەیشتە دیمەشق

ئاڤا نیوز

 
نێردراوی تایبەتی نەتەوە یەکگرتووەکان بۆ کاروباری سووریا گەیشتە دیمەشق، بەڵام تائێستا دیار نیە کە چاوی بە ئەحمەد شەرع بەرپرسی دەستەی تەحریرولشام دەکەوێت یان نا. 

لێدوانی فەرمی: لە لێدوانێکی دا بۆ میدیاکان لەکاتی گەیشتنی بە دیمەشق، گیەر پیدرسن، نێردەری تایبەتی نەتەوەیەکگرووەکان ڕاگەیاند، "ئەو گۆڕانەی بینیومانە لە دوای ڕووخانی ڕژێمەکەی بەشار ئەسەد ئومێد بەخشن". هاوکات دەشڵێت، نامانەوێت هیچ تۆڵەکردنەوەیەک هەبێت لە سووریا، بەڵکو لەسەر بنەمای دادپەروەری تۆمەتباران دادگایی بکرێن. 

 

زانیاریی زیاتر: ڕۆژی شەممە لە ئوردن نێردەی چەند وڵاتیكی عەرەبی لە پاڵ نێردەی یەکێتی ئەوروپا و تورکیا لەسەر دۆخی سوریا کۆبوونەوە و ڕایانگەیاند، گواستنەوەی دەسەڵات لە سووریا پێویستە بە یەکدەنگی لایەنەکان بێت. هاوکات سیستەمی داهاتووی وڵاتەکە لەسەر هەڵبژاردنێکی پاک و بە چاودێریی نەتەوەیەکگرتووەکان بکرێت.