ئەحمەد شەرع: گرووپەکان هەڵدەوەشێنرێنەوە و چەک تەنیا لەدەستی دەوڵەتدا دەمێنێتەوە

ئاڤا نیوز

 

فەرماندەی گشتی ئۆپەراسیۆنە سەربازییەکان لە سووریا دەڵێت، لەمەودوا خزمەتی سەربازی زۆرەملێ لە سووریادا نامێنێت، لە قۆناغی داهاتووشدا گرووپە چەکدارەکان هەڵدەوەشێنرێنەوە و چەک تەنیا لەدەستی دەوڵەتدا دەمێنێتەوە.

 

ئەوەی پێویستە بیزانیت: لەسەردەمی دەسەڵاتەکەی ئەسەد، خزمەتی سەربازی زۆرەملێ لە سووریا هەبوو و دەیان گرووپی چەکداری جیاوازیش هاتبوونە سووریا و لەپاڵ سوپادا، شەڕی هێزەکانی ئۆپۆزیسیۆنی چەکداری ئەو وڵاتەیان دەکرد.

 

لێدوانی فەرمی: ئەحمەد شەرع، فەرماندەی گشتی ئۆپەراسیۆنە سەربازییەکان لە سووریا لە نوێترین چاوپێککەوتنیدا لەگەڵ ڕۆژنامەنووسان ئەوەی خستەڕوو، لە یەکەم قۆناغی باشکردنی ئابووری وڵاتدا، تاوتوێی زیادکردنی مووچە بەڕێژەی 400% دەکەین، لەبواری ئەمنیش لە قۆناغی داهاتوودا هەموو گرووپەکان هەڵدەوەشێنرێنەوە و چەک تەنیا لەدەستی دەوڵەتدا دەمێنێتەوە، جەختیش دەکاتەوە کە لەمەودوا خزمەتی سەربازی زۆرەملێ لە سووریادا نامێنێت.

 

وتیشی، داوا لەو هاووڵاتیانەی سووریا دەکەین کە لە دەرەوەن، بگەڕێننەوە بۆ وڵاتانی خۆیان و ئەزموونی خۆیان لە پرۆسەی دووبارە بونیادنانەوەی وڵاتدا بەکاربهێن، چونکە کاری لەپێشینەی حکومەت لەم قۆناغەدا بوونیادنانەوەی ماڵە خاپووربووەکان و گەڕاندنەوەی دوایین خێزانی ئاوارەیە کە ئێستا لە کامپەکاندا دەژین.