ئەحمەد شەرع بووە بە ترێندی میدیا و ناوەندە سیاسییەکانی جیهان

ئاڤا نیوز 

ئەحمەد شەرع، حاکمی سووریا و فەرماندەی هێزەکانی تەحریرولشام ئەو ماوەیە بووە بە ترێند لە میدیا و تۆڕەکانی کۆمەڵایەتی و شەقام و ناوەندە سیاسییەکانی ناوچەکە و جیهان.

 

ئەوەی پێویستە بیزانیت: دوێنێ کۆمەڵێک ڕۆژنامەنووسی میدیا عەرەبییەکان چوونە لای ئەحمەد شەرع لە دیمەشق و گفتوگۆیان لەبارەی دۆخی نوێی سووریا لەگەڵ کردووە.

زیانە سەرەکییەکان: یەکێک لەو ڕۆژنامەنووسانەی کە سەردانی کردووە، بە ئەحمەد شەرع دەڵێت: تۆ لە شەقامەکان و بازارەکان زۆر دەبینرێیت و پاسەوانی زۆرت لەگەڵ دانیە و لێپێچینەوەی ئەمنی توند ناکەیت، هەروەها خەڵک دێن وێنەت لەگەڵ دەگرن، ئایا ناترسیت یەکێک بتکوژێت؟

لێدوانی فەرمی: ئەحمەد شەرع وەڵامی ڕۆژنامەنووسەکە دەداتەوە و دەڵێت: هیچ ناترسم، ئەگەر بشمرم یان بشکوژرێم ئاساییە، چونکە ئێستا دیمەشقمان ڕزگار کردووە و کۆتایی بە دەسەڵاتی ئەسەد هاتووە، بەڵام هەر وا ئاسانیش نییە کە تۆ دەیبینی. ئێمە چەندین ساڵە لە شەڕداین و دەزانین چۆن خۆمان بپارێزین.