ئەردۆغان سەردانی سووریا دەکات

ئاڤا نیوز

 

بڕیارە بەم نزیکانە سەرۆککۆماری تورکیا سەردانی دیمەشق بکات و ڕێککەوتنێکی ئەمنی لەگەڵ سووریا ئیمزا بکات.

 

وێنە گەورەکە: دوای ڕووخانی ئەسەد، سەردانیکردنی سەرۆک و سەرکردەی وڵاتان بۆ سووریا بەردەوامە، وا بڕیارە ڕەجەب تەیب ئەردۆغان، سەرۆککۆماری تورکیا لە چەند هەفتەی داهاتوودا سەردانی دیمەشق بکات.

 

ڕاگەیێنراوی فەرمی: میدیاکانی تورکیا بڵاویانکردەوە، لە ماوەی دوو هەفتەی داهاتوودا ئەردۆغان سەردانی تورکیا دەکات، تیمەکانی ئاسایشی فڕۆکەخانە و ڕاداری دژە فڕۆکە و چەند تیمێکی وەڵامدانەوەی خێرا بۆ سەردانەکەی ئەردۆغان بۆ دیمەشق لە سووریا بڵاوەیان پێکراوە و ئامادەکاری سەردانەکە دەکەن.

 

گرنگترین کارەکانی لە سەردانەکەدا:

- بڕیارە لە سەردانەکەیدا ئەردۆغان لەگەڵ ئەحمەد شەرع کۆببێتەوە و چەند پرسێک تاوتوێ بکەن.

- چوونە مزگەوتی ئەمەوی لە دیمەشق و قسەکردن بۆ ڕۆژنامەنووسان لە گرنگترین بەشەکانی گەشتەکەن.

-چاوەڕوان دەکرێت لەو سەردانەدا ڕێککەوتننامەیەکی ئەمنی و سنووری نێوان تورکیا و سووریا ئیمزا بکرێت و سوپای سووریا بەهاوکاری تورکیا دروستبکرێتەوە.

 -هەوڵدەدرێت سەرجەم گرووپە چەکدارەکانی ئەو وڵاتە لە چەک داماڵرێن.

 

باکگراوند: پێشتر هاکان فیدان، وەزیری دەرەوەی تورکیا و ئیبراهیم کاڵن، سەرۆکی دەزگای هەواڵگریی تورکیا سەردانی دیمەشقیان کردبوو.