بەهۆکاری ئەمنی کۆنگرەی ڕۆژنامەوانی شاندی ئەمریکا لە دیمەشق هەڵوەشێندرایەوە

ئاڤا نیوز 

 

شاندێکی ئەمریکا بە سەرۆکایەتیی باربارا لیف، بەرپرسی باڵای وەزارەتی دەرەوەی ئەمریکا بۆ کاروباری ڕۆژهەڵاتی ناوەڕاست لەگەڵ ئەحمەد شەرع کۆبووەنەوە و بەهۆکاری ئەمنی نەتوانرا کۆنگرە ڕۆژنامەوانییەکەیان ئەنجام بدەن. 

 

زانیاریی بەدەستهاتوو: شاندێکی ئەمریکا کە بۆ گفتوگۆکردن لەگەڵ ئەحمەد شەرع هاتبوونە دیمەشقی پایتەختی سووریا، بڕیاربوو کۆنگرەیەکی ڕۆژنامەوانی سازبکەن بەڵام بەهۆکاری ئەمنی کۆنگرە ڕۆژنامەوانییەکەیان هەڵوەشاندەوە. 

 

زانیاریی زیاتر: بڕیارە شاندە ئەمریکییەکە لە ڕێگەی ئینتەرنێتەوە کۆنگرەی ڕۆژنامەوانییەکەیان ئەنجام بدەن و ناوەڕۆکی کۆبوونەوەیان لەگەڵ سەرۆکی دەسەڵاتی نوێی سووریا بخەنەڕوو. 

 

بەرپرسێکی باڵیۆزخانەی ئەمریکا لە سووریا ڕایگەیاند:کۆنگرەیەکی ڕۆژنامەوانی پلان بۆ داڕێژراوی شاندێکی دیپلۆماتکارانی ئەمریکی کە ڕۆژی هەینی سەردانی پایتەختی سوریایان کردبوو،"بەهۆی نیگەرانییە ئەمنییەکان هەڵوەشایەوە".

 

ئەمەش بزانە: شاندەکە باربارا لیف، بەرپرسی باڵای وەزارەتی دەرەوەی ئەمریکا بۆ ڕۆژهەڵاتی ناوەڕاست لەخۆ دەگرێت، کە لە دیمەشق بوو بۆ ئەوەی لەگەڵ دەسەڵاتدارانی نوێی ئەو وڵاتە کۆببێتەوە، دوای لادانی بەشار ئەسەد، سەرۆککۆماری ئەو وڵاتە.