بەهۆی نەبوونی مەرجی ژینگە خاوەنی 25 مۆلیدەی تایبەت سزا دراون

ئاڤا نیوز

 

فەرمانگەی ژینگەی هەولێر لەڕێگەی لیژنەیەکەوە مۆلیدەی گەڕەکەکان بەسەردەکاتەوە، لەم ساڵدا 25 مۆلیدە گۆڕدراون و چاککراونەتەوە یان خاوەنەکەیان دراونەتە دادگە.

 

وێنە گەورەکە: فەرمانگەی ژینگەی هەولێر، لیژنەیەکی پێکهێناوە و لەسەر سکاڵای هاونیشتمانیان سەردانی ئەو مۆلیدانە دەکەن کە دەنگیان بەرزە یان دووکەڵیان هەیە و سزای پێبژاردنیان بۆ دیاریکراوە.

 

 لێدوانی فەرمی: دڵشاد هیرانی، بەڕێوەبەری فەرمانگەی ژینگەی هەولێر بۆ ئاڤا میدیا وتی، تەنیا لەم ساڵدا حەوت مۆلیدەمان گۆڕیوە، خاوەنی 11 مۆلیدەش پسوولەی پێبژاردنیان بۆ کراوە، خاوەنی حەوت مۆلیدەی دیکە دراونەتە دادگا. هەموو ئەمانە لەسەر سکاڵای هاونیشتمانیان بووە.

 

زانیاریی زیاتر: بەپێی ڕێنمایی ژمارەی دووی ساڵی 2023 کە لە دەستەی پاراستن و چاککردنی ژینگە دەرچووە، هەر مۆلیدەیەک ژاوەژاو یان دووکەڵی هەبێت بڕی یەک ملیۆن دینار سزای پێبژاردنی بۆ دەکرێت، لەلایەکی دیکە گەر دەورووبەری مۆلیدەیەک بە ڕۆن و گازوایل پیس کرابێت بڕی یەک تا سێ ملیۆن دینار سزای پێبژاردن بۆ خاوەن مۆلیدەکە دەکرێت.  

 

ئەوەی پێویستە بیزانیت: ئەمساڵ کابینەی نۆیەمی حکومەتی هەرێمی کوردستان، پڕۆژەی ڕووناکی ڕاگەیاند، ئامانجەکە ئەوەیە کارەبای هەموو هەرێمی کوردستان بە چەند قۆناغێک بکرێتە 24 کاتژمێری و مۆلیدەی گەڕەکەکان بکوژێنەوە، ئەمەش لەپێناو باشترکردنی دۆخی ژینگە.