لە باکووری کوردستان 40 کەس بە تۆمەتی ئەندام بوون لە پەکەکە دەستگیر دەکرێن

ئاڤا نیوز

 

بە گوێرەی ڕاگەیێنراوێکی وەزارەتی ناوخۆی تورکیا، لە ماوەی هەفتەیەکدا لە 19 شاری تورکیا 40 کەس بە تۆمەتی ئەندام بوون لە پەکەکە دەستگیر کراون.

 

وێنە گەورەکە: پڕۆسەی دەستگیرکردنی ئەندام و لایەنگرانی پارتی کرێکارانی کوردستان 'پەکەکە' لە باکووری کوردستان بەردەوامە و ڕۆژانە بەبیانووی جۆراوجۆر دەستگیر دەکرێن.

 

ڕاگەیێنراوی فەرمی: وەزارەتی ناوەخۆی تورکیا ڕایگەیاند، لە میانی ئۆپەراسیۆنی گورز-30 بە هاوبەشی بەڕێوەبەرایەتیی پۆلیسی شارەکان، لە 19 شاری باکووری کوردستان و تورکیا 40 کەسیان بە تۆمەتی ئەندامبوون و لایەنگری پەکەکە دەستبەسەر کراون.

 

زانیاریی زیاتر: بەپێی زانیارییەکانی وەزارەتی ناوەخۆ تورکیا، ئەوانەی دەستبەسەرکراون  تۆمەتبارن بە کۆکردنەوە و ناردنی پارە بۆ پەکەکە، بەشداربوون لە چالاکییەکانی ئەو گرووپە. 

 

ئەمەش بزانە: لە کاتی ئۆپەراسیۆنەکەدا دەست بەسەر کۆمەڵێک چەکی بێ مۆڵەتدا گیراوە.