میت کوژرانی بەرپرسێکی پەکەکەی لە هەرێمی کوردستان ڕاگەیاند

ئاڤا نیوز 

 

دەزگای هەواڵگریی تورکیا (میت) ڕایگەیاند، فورات سەریهان، بەرپرسێکی سەربازیی پەکەکە لە چیای گارە لە هەرێمی کوردستان کراوەتە ئامانج و کوژراوە.

 

چیرۆکی سەرەکی: فورات سەریهان، ناسراو بە هۆگر مەروان، ناوی لە لیستی داواکراوانی میت بووە، دوای دەستنیشانکردنی شوێنەکەی، لە ئۆپەراسیۆنێکی میت لە چیای گارە لە هەرێمی کوردستان لەگەڵ چەند کەسێکی دیکە کە لەگەڵیدابوون کوژراون.

 

ڕاگەیێنراوی فەرمی: دەزگای هەواڵگریی تورکیا ڕایگەیاند، سەریهان بەرپرس بووە لە ڕێکخستنی چالاکییەکانی ناوچەی ئۆپەراسیۆنی پەنجە کلیت، چەک و کەرەستەی شەڕی بۆ پەکەکە دابین کردووە.

 

بۆچوونی لایەنی بەرامبەر: میدیای نزیک لە پەکەکە هەواڵی کوژرانی سەریهانی پشتڕاستکردووەتەوە.